කොටදෙණියාවේ සේයා සදෙව්මි දැරිය ඝාතනය කිරීමේ සිද්ධිය සම්බන්ධයෙන් දැනට පොලිස් භාරයේ සිටින 17 හැවිරිදි පාසල් සිසුවාගෙන් සහ අනෙක් පුද්ගලයන් දෙදෙනාගෙන් ප්රකාශ සටහන් කර ගනිමින් සිටින බව පොලීසිය පවසනවා.
පරීක්ෂණ කටයුතුවල නිරතව සිටින උසස් පොලිස් නිලධාරියෙකු සඳහන් කළේ අදාළ සිසුවාගේ ලැප්ටොප් පරිගණකයේ තිබී අසැබි දර්ශන විශාල ප්රමාණයක් සොයා ගත් බවයි.
මේ අතර, පොලිස්පතිවරයාගේ සෘජු අධීක්ෂණය යටතේ රහස් පොලිසියේ කණ්ඩායම් 03 ක් පරීක්ෂණ මෙහෙයවමින් සිටින බවයි පොලිස් මාධ්ය ප්රකාශක කාර්යාලය නිවේදනයක් නිකුත් කරමින් ප්රකාශ කළේ.
සේයා සදෙව්මි දැරිය ඝාතනය කිරීමේ සිද්ධිය සම්බන්ධයෙන් තවත් ඩී.එන්.ඒ. පරීක්ෂණ කිහිපයක වාර්තා අද ලැබීමට නියමිතව තිබෙනවා. එම වාර්තා ලැබීමෙන් පසු සැකකරුවන් පිළිබඳ තහවුරු කරගැනීමට හැකි වනු ඇති බවයි පරීක්ෂණ මෙහෙයවන නිලධාරියෙකු හිරු ප්රවෘත්ති අංශයට කියා සිටියේ. මේ අතර, සදෙව්මි දැරිය ඝාතනය සම්බන්ධයෙන් දැරියගේ පවුලේ ඥාතීන් ඇතුළු 30 කට අධික පිරිසකගෙන් ප්රශ්න කර ප්රකාශ සටහන් කරගෙන තිබෙනවා.
0 comments:
Post a Comment